دمّ واحـــد حـــرّك الـعـالـم بـكـلّه 
والـيمن يُـسفك دمـه والكل راقد 

اي ديـــن ؟واي شــرع ؟واي مـلّـة؟
فـضلوا واحـد عـلى مليون واحد 

اظـهـروا عـلّـة وغـطوا الـف عـلّة 
حـمّـلوا فـاسد وبـرّوا الـف فـاسد 

دم (خاشـقجي) جمـع عالم بفـلّه 
والـمنازل فـاليمن صـارت مـراقد 

مــاحـدا نــــدد ولا اتــجـرى يـقـلّـه
بـالجرايم ذي فـعل لـجل الفوايد 

والـضـمير الـعـالمي ذي خـاف ظـله
وين هو من حربنا ؟!قالوا محايد 

مـاتـحرّك شـبـر واحــد مــن مـحـلّه
راح نـصّ الشعب والملعون قاعد 

ســلّ سـيف الـنصر يـامظلوم سـلّه
ورع سلمان افـتضح واولاد زايـد 

انــكـشـف غــلّـه وحــقـده بــالأدلـة
فـالـسـفـارة والـمـواقـع والـجـرايـد

ضـاع شـعب الـمملكة من يتصل له
لجـل اقـل لـه بالـحقائق والشـواهد

ان تـبـاء الـعـزة فـكـثر الـهـرج زلّــه
قـالـوا الـثـورة تـبـاء بــارق وراعــد

وان تــبــا الـسـلّـة تـبـدلـهـا بــذلّـة
والــمــبـادئ تـنـتـعـلـها والــعــوايـد

هــات راســك لا حـلـق عـمّك وبـلّه
لـلـمـنـاشـير الـصـقـيـلـة والـمــراود