(نصرك على الأبواب).. للشاعر محمد أحمد مفلح

(نصرك على الأبواب).. للشاعر محمد أحمد مفلح

بشراك يا شعب الصمود الصابر
نصرك على الأبواب فَل احجاجه

من كان يلوي ف السما ويداور
قريب نسلم ضجته وازعاجه

ودفاعنا الجوي برده حاضر
ومفاجآته في جديد إنتاجه

في مجهر الثاقب ومرصد فاطر
جو اليمن نار الجحيم سياجه

كل الطواير من سماه تغادر
كم ذا وهي باجرامها دوّاجه

كلمه قصيره شلها من لآخر
في شعبنا ما عد لابوكم حاجه

حاذر تدخل في وطنا حاذر
تغرق بطوفان النقا وامواجه

حلف العمالة في رهانه خاسر
للمصيدة نستكمل استدراجه

وبقوة الله العظيم القاهر
ما تنفعه ميجه ولا ميراجه

وش عاد يسوى الخاين المتآمر
لا اتساقطت بأيد الرجال امياجه

حرام ما عد تبصر الا الغابر
هارب ولا طبع الجبان يواجه

كم له بحقده والغرور يكابر
والدعم الأمريكي وحشد افواجه

يقصف ويقتل ف اليمن ويحاصر
واليوم ما حد يستطيع إخراجه

حلت نهاية كل طاغي فاجر
من هو يعادينا نزعنا تاجه

لا بد ما يرجع ذليل وصاغر
والنصر لأهل الحق ولمنهاجه